2024 წელი:
2023 წლის თბილისიმარათონის ბენეფიციარის – შშმ ბავშვთა დღის ცენტრის რეაბილიტაცია კასპში წარმატებით დასრულდა.
თბილისიმარათონი 2022 წლის ბენეფიციარისთვის - ფერადი ქალაქი - აუტიზმის ეროვნული ცენტრსთვის, კომპანია ჰაიდელბერგცემენტმა, კოტეჯი ააშენა.
2022 წლის რეგისტრაციიდან შემოსული თნხა სრულად მოხმარდა კოტეჯის მშენებლობას.
2019 წელს ჰაიდელბერგცემენტმა, როგორც თბილისიმარათონის ორგანიზატორმა და მთავარმა პარტნიორმა, კვლავ გააგრძელა სოციალური პასუხისმგებლობის ტრადიცია. ჰაიდელბერგცემენტმა ტრადიციულად გაორმაგებული თანხა სრულად გადასცა ორგანიზაცია „საქართველოს ამერიკელ მეგობრებს“. ფინანსური მხარდაჭერა მიმართული იყო ძეგვის შერეული ტიპის თავშესაფრის რეკონსტრუქციის დასასრულებლად — გრანდიოზული პროექტისთვის, რომელიც 2016 წლიდან ხორციელდებოდა და მიზნად ისახავდა არა მხოლოდ შენობის განახლებას, არამედ ცხოვრების ღირსეული პირობების, სარეაბილიტაციო და საგანმანათლებლო სივრცეების შექმნას. ჰაიდელბერგცემენტის მხარდაჭერამ გადამწყვეტი როლი შეასრულა თავშესაფრის ახალ ეტაპზე გადასაყვანად — სადაც მზრუნველობამოკლებული ბავშვები, შშმ პირები, ხანდაზმულები და უსახლკარო ადამიანები სრულფასოვანი და უსაფრთხო გარემოს მიღებით შეძლებდნენ ცხოვრების გაგრძელებას.
2018 წლის საქველმოქმედო ნახევარმარათონის ბენეფიციარი იყო ორგანიზაცია „პირველი ნაბიჯი“, რომელიც განსაკუთრებული საჭიროების მქონე ბავშვებზე ზრუნავდა და უკვე 20 წელზე მეტი ხნის გამოცდილება ჰქონდა. ორგანიზაციის თბილისის დღის ცენტრს, რომელიც 2002 წლიდან ფუნქციონირებდა, საფუძვლიანი სარემონტო სამუშაოები ესაჭიროებოდა. ნახევარმარათონიდან მიღებული შემოსავალი ამ საჭიროებისთვის იქნა მიმართული, ხოლო „ჰაიდელბერგცემენტმა“ ტრადიციულად გააორმაგა ეს თანხა, რაც მნიშვნელოვანწილად დაეხმარა ცენტრის ინფრასტრუქტურის გაუმჯობესებასა და მეტ ბენეფიციარზე მომსახურების მიწოდებას.
ააიპ "კასპის შეზღუდული შესაძლებლობების მქონე პირთა კავშირი" დაფუძნებულია 2015 წლის 7 აპრილს. ორგანიზაციის მთავარი სოციალური მისიაა შშმ პირთა დასაქმება და რესოციალიზაცია. კავშირის პირველი პროგრამა სხვა და სხვა საერთაშორისო ჰუმანიტარული ორგანიზაციების დახმარებით განხორციელდა, რის შემდეგაც კასპში 30-ზე მეტ სოფელში მცხოვრებ 44 ბენეფიციარს გადაეცა მათ მოთხოვნებზე მორგებული ეტლები.
აღსანიშნავია ის ფაქტი, რომ ეტლების გადაცემის პროცესში აქტიურად იყვნენ ჩართულები დონორი ამერიკული კონსტრუქტორებიც. შეირჩა ადგილობრივი ტრადიციული ხელსაქმე კალათების და სხვადასხვა ინტერიერის ნივთების დაწვნის შესწავლის 1 წლიანი პროგრამა.
"ჰაიდელბერგცემენტმა" თბილისიმარათონზე რეგისტრაციიდან შემოსული თანხა 2017 წელს ტრადიციულად გააორმაგა და 2 საწარმოს კეთილმოწყობას და აღჭურვას მოახმარა. წნულის და რკინის კონსტრუქციების საწარმოს პროექტებზე ოცამდე შშმ პირი დასაქმდა.
2016 წელს „თბილისიმარათონის“ რეგისტრაციიდან შემოსულმა თანხამ 23 000 ლარი შეადგინა, რაც კომპანია „ჰაიდელბერგცემენტის“ მიერ გაორმაგებული ოდენობით – 46 000 ლარი – ქალაქ თბილისში საქართველოში პირველი ბავშვთა ჰოსპისის მშენებლობას მოხმარდა.
2015 წელს „თბილისიმარათონის“ რეგისტრაციიდან შემოსული თანხა კომპანია ჰაიდელბერგცემენტის მიერ გაორმაგებული ოდენობით ( 48 060 ლარი) ქალაქ რუსთავში შეზღუდული შესაძლებლობების მქონე პირთა რეაბილიტაციისა ცენტრის გაფართოებასა და კეთილმოწყობას მოხმარდა.
